يمكن اطلع ماعشقتك .. ولا هم يحزنون

يمكن اطلع ماعشقتك .. ولا هم يحزنون

ازرع ضلوعي من رضاك وابشر بالحصاد
لعنبو من جيت ترضيه وترد امحزون

بس تسوالك بلد ؟ قول تسوالك بلاد
انت كل العالم بكون ولحالك بكون

مابعد محبتك حب ومرادك مراد
غير كونك سيد حشاي تدري من تكون ؟

نعمتين اختصوا الخلق من جود الجواد
كافل الأرزاق من حيث مالا تعلمون

البنون ونعمة المال بعيون العباد
زينة الدنيا بلا شك في كل العيون

مثل زينة دنيتي بس عندي شي زاد
من عرفتك صاروا المال وانت والبنون

انتشي بك نشوة التيه لعناق الرشاد
وافزع الك فزعة القرم لشهاب الزبون

واحصنك تحصين الأرزاق عن درب الفساد
واعشقك عشق المظاليم لفراق السجون

لو تزيد الشوق جمرة تحولني رماد
لو يزيد العشق شعرة بوصل للجنون

خل هقواتك كبيرة ونظراتك بعاد
كانك انت بكبرك تهون من اللي ما يهون ؟

ازعلك وارهن حياتي تحت رحمة زناد
تهبى لا والله الا انت والموت تهبون

عاد اذا ما ارضاك هرجي ولا اللي قلت فاد
انا لله وانا اليه راجعون

وانت باكر بتعرف على ناس جداد
والكلام يجيك من كل شكل وكل لون

لاتحسب ان كل كلمة بتسمعها وكاد
ولا تصدق هرج شاعر وتخدعك الظنون

دايم اعرف كل شاعر يهيم بكل واد
وان هم دايم يقولون ما لا يفعلون

حتى انا اللي قلت اعشقك وما اطيق البعاد
يمكن اطلع ماعشقتك .. ولا هم يحزنون

في هارد دسكـ القلب سوّيت فايل ..
باسمكـ وخزنته بوسـط الدكيومنت ..
وإيميل قلبي لكـ صار حيل مايل ..
يكشف لكـ الباسوورد من وين ما كنت ..

وفيروس حبّكـ بي سوّى الهوايل ..
أثركـ على السّيرفر بكبرهـ تسلطنت ..!!
مبرمج(ن) ديليت على كـلّ الرسايل ..
وبلوكـ سندر للمخاليق إلاّ أنت ..
جرّبت داون لود بأقوى الوسايل ..
عيّا يتحمّل غيركـ وبعدها آمنت ..

مابقى الا سود الايام تحرمك الرقاد
كيف الاوهام اتجرأ اتسريك مغبون
من متى تجزع من الدمع وتخاف البعاد؟
من متى تقفي بك ظنون وتجيبك ظنون؟

صرت تاخذ كذبتي صدق، ومزاحي وكاد
لو بقول اني بخونك تحسب اني بخون
ماتعرف ان كل شاعر يهيم بكل واد؟
وانهم دايم يقولون مالا يفعلون؟
ابك انا لاقلت ابنساك وانكرت الوداد
والله اني مانسيتك وولاهم يحزنون

من جزع من صفعة الشمس يطمع بالبراد
ومن فقد وجهاته الخمس يلقى بك ركون
اعتبرها هفوة انسان او كبوة جواد
لو بتسمح فانت غالي ولو تجرح تمون
عد صداتك مروة وطعناتك ضماد
خلهن لاراحن طعون ولا ردن طعون

خنجرك
يستاهل الطعن ومتوني شداد
ومنك يازين الخناجر ويا بخت المتون
ردلي حنية المزح باحساس الجماد
خلنا واحد يجي صلب والثاني حنون
موت فيني واندفن فيك بثياب الحداد
وان حييت أموت لرضاك واحيا بك بهون

مره ارقد بالكفن وانت ترقد بالمهاد
ومرة ارقد بالمهد وانت ترقد بالكفون
ادري ان شجونك شجون واعنادك عناد
والبلا ان عنادك عناد وشجونك شجون

ربك اللي سخرك لي تقود وما تقاد
والله الخالق ولله في خلقه شؤون

انشاء الله يعجبكم الشعر والشاعر نفسه
حامد زيد

تحياتي لكــــم

دخيــــــل احسآسكـ

عجيـــبــه

تسلمين

والله يعطيج العـافيــه

يسلموؤوؤو على المروور العطر
منووره الموضووع

» انت الشيف اليوم ..ابي اشوف شطارتكم ..ارجو التفااااعل ..دش يمكن اليوم دورك !!